URARTU.INFO - Հայաստանը միջազգային թատերաբեմում - Լրատվական և վերլուծական կայք

Վարդան Մինասյանը հրապարակեց Հայաստանի ազգային հավաքականի կազմը

admin — Tue, 31 Aug 2010 04:37:02 +0000

Հայաստանի ազգային հավաքականի մարզչական շտաբը` Վարդան Մինասյանի գլխավորությամբ հրապարակեց ընտրանու կազմը, որը կնախապատրաստվի 2012թ. Եվրոպայի առաջնության Իռլանդիայի եւ Մակեդոնիայի հավաքականների հետ ընտրական հանդիպումներին, տեղեկացնում է ՀՖՖ կայքը:

Հայաստան-Իռլանդիա հանդիպումը տեղի կունենա Վազգեն Սարգսյանի անվան «Հանրապետական» ստադիոնում սեպտեմբերի 3-ին, ժամը 20:00-ին, իսկ Մակեդոնիա-Հայաստան խաղը կկայանա Սկոպյեում, «Ֆիլիպ II» ստադիոնում, սեպտեմեբրի 7-ին, ժամը 23:00-ին:

Դարպասապահներ

Ոոման Բերեզովսկի «Խիմկի», Ռուսաստան

Գեւորգ Կասպարով «Միկա»

Ստեփան Ղազարյան «Բանանց»

Պաշտպաններ

Ռոբերտ Արզումանյան «Ռանդերս», Դանիա

Հրայր Մկոյան «Միկա»

Արարատ Առաքելյան «Բանանց»

Սարգիս Հովսեփյան «Փյունիկ»

Արտակ Եդիգարյան «Փյունիկ»

Հովհաննես Համբարձումյան «Բանանց»

Կիսապաշտպաններ

Կառլեն Մկրտչյան «Փյունիկ»

Դավիթ Մանոյան «Փյունիկ»

Արթուր Եդիգարյան «Պաս», Իրան

Էդգար Մալաքյան «Փյունիկ»

Լևոն Պաչաջյան «Սանատ Նավթ», Իրան

Հարձակվողներ

Գեւորգ Ղազարյան «Փյունիկ»

Հենրիխ Մխիթարյան «Շախտյոր» Դ, Ուկրաինա

Մարկոս Պիզզելի «Փյունիկ»

Էդգար Մանուչարյան «Փյունիկ»

Յուրա Մովսիսյան «Ռանդերս», Դանիա

Հովհաննես Գոհարյան «Փյունիկ»

աղբյուր` News.am

Ճապոնացի սումոները հեռախոս են ուզում

admin — Wed, 25 Aug 2010 17:51:21 +0000

Ճապոնական “սումո” մարզաձևի մարզիկները ուզում են իրենց չափերին համապատասխան iPad տիպի հեռախոսներ: Այդ նպատակով Ճապոնիայի սյումոների միության ներկայացուցիչները դիմել են այդ հեռախոսները արտադրող ընկերությանը: Մեծ ձեռքեր ունեցողների համար խիստ անհարմար են նոր սերնդի հեռախոսները, որոնք բոլորն էլ ունեն բավական փոքրիկ touch screen:

Այս հեռախոսները արտադրող աշխարհի առաջատար ընկերությունները այժմ աշխատում են մեծ ձեռքեր ունեցող մարդկանց համար նոր հեռախոսների մոդելներ թողարկելու ուղղությամբ:

աղբյուր` Urartu.info

Ադրբեջանը խախտել է սովորական սպառազինությունների կրճատման մասին փաստաթղթի դրույթները

admin — Wed, 25 Aug 2010 17:38:19 +0000

Ռուսաստանի և Հայաստանի միջև ռազմական համագործակցության մասին նորացված պայմանագիրը չի խախտում 1992թ. Տաշքենդում Հայաստանի, Վրաստանի, Ռուսաստանի, Ուկրաինայի, Մոլդովայի և Ադրբեջանի միջև սովորական սպառազինությունների կրճատման մասին փաստաթղթի դրույթները։ Այս մասին Tert.am-ի հետ զրույցում ասաց ՀՀ պաշտպանության նախկին նախարար Վաղարշակ Հարությունյանը, ով եղել է տաշքենդյան այդ փաստաթղթի նախապատրաստողը, ինչպես նաև 1995թ. Հայաստանում ռուսական ռազմաբազայի տեղակայման պայմանագրի կնքման ռազմական պատվիրակության ղեկավարը։ Հիշեցնենք, որ Ադրբեջանի նախագահի ադմինիստրացիայի հասարակաքաղաքական բաժնի ղեկավար Ալի Հասանովն այսօր հայտարել է, թե Մոսկվայի և Երևանի միջև վերջին համաձայնագրի ստորագրումը խախտում է տաշքենդյան փաստաթղթի դրույթները։

Ըստ մասնագետի՝ տաշքենդյան պայմանագրով սպառազինությունների տեսակների քվոտաներն են սահմանափակվում։ Նշվում է, որ փաստաթղթի կողմ հանդիսացող երկրներիից յուրաքանչյուրը պետք է ունենան 220 տանկ, 220 զրահամեքենա, 275 հրետանի, 100 ռազմական ինքնաթիռ և 50 ուղղաթիռ։ «Ադրբեջանն է այդ պայմանագիրը խախտել, և դրա մասին ՆԱՏՕ-ի ներկայացուցիչը հայտարարել է Հարավային Կովկասում։ Այդ մասին նշել է նաև ՄԱԿ-ը։ Ակնհայտ է, որ սպազինություններ գնելով՝ Ադրբեջանը խախտել է պայմանավորվածությունը, փաստ է դա»,- ընդգծեց բանախոսը։

Վաղարշակ Հարությունյանի խոսքով՝ ստեղծված իրավիճակում Հայաստանը պետք է արտահերթ կոնֆերանս հրավիրի և բարձրաձայնի, որ Ադրբեջանը խախտել է տաշքենդյան փաստաթղթի դրույթները։

Ռուսաստանի և Հայաստանի միջև կնքված ռազմաբազայի ժամկետների վերաբերյալ նոր պայմանագիրը, ըստ բանախոսի, միայն ժամկետներն է երկարացնում և ռազմաբազայի գործառույթներն է փոփոխում։

Պաշտպանության նախկին նախարարը դրական է համարում Հայաստանում ռուսական ռազաբազայի ժամկետների երկարացումը՝ նշելով, որ դա կայություն է ապահովում մեր տարածաշրջանում։ Դա Թուրքիային և Ադրբեջանին կզսպի Հայաստանի դեմ քայլեր ձեռնարկել։

«Ադրբեջանը հույս ուներ, որ Հայաստանը չի դիմանա սպառազինությունների մրցավազքին և զիջումների կգնա։ Սակայն այս համաձայնագիրն Ադրբեջանին կստիպի ավելի կառուցողական մոտեցում ցուցաբերել ղարաբաղյան բանակցություններում»,- եզրափակեց բանախոսը։

աղբյուր` Urartu.info

«Գեղամա» ռեստորանի սանիտարական կանոնների խախտման մասին

admin — Wed, 25 Aug 2010 17:21:15 +0000

ՀՀ գյուղատնտեսության սննդամթերքի և անասնաբուժության պետական տեսչության աշխատակիցները օգոստոսի 21-ից ստուգումներ են իրականացնում «Գեղամա» ռեստորանում, որտեղ օգոստոսի 19-ին զանգվածային թունավորման դեպք էր գրանցվել (ավելին իմացիր այս մասին)։ Ստուգումները կավարտվեն սեպտեմբերի 2-ին, և մասնագետների կողմից համապատասխան պարզաբանումներ կտրվեն։

Առողջապահության նախարարության կողմից ռեստորանում իրականացված ստուգումների արդյունքում մի շարք նմուշներից անջատվել է ոսկեգույն ստաֆիլակոկ և էնտերոպաթոգեն աղիքային ցուպիկ, ինչով էլ պայմանավորված է եղել թունավորումը։

«Գեղամա» ռեստորանում տեղի ունեցածի վերաբերյալ ոստիկանությունը քրեական գործ է հարուցել։

աղբյուր` Urartu.info

(սկզբնաղբյուր Tert.am)

Քուրդ զինյալները Թուրքիայում գազամուղ են պայթեցրել

admin — Wed, 25 Aug 2010 17:13:00 +0000

Թուրքական «Ջումհուրիյեթ» (Cumhuriyet) օրաթերթի տեղեկացմամբ` քուրդ զինյալները հարձակում են գործել և պայթեցրել Էլեշքիրթ գավառի Չաթալփնար գյուղի մերձակայքով անցնող բնական գազի խողովակաշարը: Պայթյունի հետևանքով բռնկվել է կարճատև հրդեհ: Ժամանկավորապես դադարեցվել է Իրան-Թուրքիա գազամատակարարումը

աղբյուր` Urartu.info

Բաքուն «Հայկական ուսումնասիրությունների կենտրոն» է ստեղծում հակահայ քարոզչություն իրականացնելու համար

admin — Tue, 24 Aug 2010 22:16:24 +0000

Բաքվի պետական համալսարանում առաջիկա օրերին կսկի գործել Հայկական ուսումնասիրությունների գիտական կենտրոն։ Այդ մասին այսօր Trend գործակալությանն ասել է համալսարանի տեղեկատվության և մամուլի բաժնի ղեկավար Փարվանա Իբրահիմովան։

Ըստ նրա՝ Կենտրոնը զբաղվելու է «հայկական հարցի պատմական և ժամանակակից խնդիրների ուսումնասիրությամբ, ինչպես նաև Հայաստանում կատարվող հասարակաքաղաքական գործընթացների մասին Ադրբեջանի հասարակությանն իրազեկելով»։

Կենտրոնի գործունեությունը կապված է լինելու հայկական սփյուռքի և հայկական պետության գաղափարախոսական գործունեության հետ, որի դեմ կենտրոնը, Իբրահիմովայի խոսքերով, մի շարք միջոցառումներ է կազմակերպելու

Ըստ նրա՝ կենտրոնում նախատեսվում է հավաքել հայերեն լեզվին տիրապետող հետազոտողներ, մշակել ընդհանուր հայեցակարգ և հետևել դրան։

«Կենտրոնը կհամակարգի հայալեզու մամուլի, ինտերնետ կայքերի և հեռուստատեսության նյութերը, որոնց հիման վրա էլ կպատրաստի վերլուծական աշխատանքներ։ Կենտրոնի համար առանձին կայք է ստեղծվելու, ինչպես նաև գիտական ամսագիր է թողարկվելու։ Այս թեմային առնչվող բոլոր գիտական ուսումնասիրություններն ու հոդվածները թարգմանվելու են տարբեր լեզուներով և տարածվելու են»,–ասել է Իբրահիմովան։

աղբյուր` Tert.am

Կրկին հայը զինվորը … հայ զինվորին … դառը իրականություն

admin — Tue, 24 Aug 2010 22:10:04 +0000

Հերթական սպանության դեպքն է գրանցվել բանակում: Ըստ Պաշտպանության նախարարության մամուլի ծառայության, 2010 թվականի օգոստոսի 17-ին N զորամասի մարտական հենակետում, նույն զորամասի պայմանագրային զինծառայող, կրտսեր սերժանտ Հարություն Յուրիկի Վարդանյանը (ծնված 1984թ., Տավուշի զ/կ) հրազենային երկու կրակոց է արձակել նույն զորամասի պայմանագրային զինծառայող, կրտսեր սերժանտ Արսեն Երվանդի Չոբանյանի (ծնված 1966թ., Տավուշի զ/կ) կրծքավանդակի շրջանին: Ստացած մարմնական վնասվածքներից Ա. Չոբայանը տեղում մահացել է:

Փաստի առթիվ ՀՀ ՊՆ քննչական ծառայության վեցերորդ կայազորային քննչական բաժնում ՀՀ քրեական օրենսգրքի 104 հոդվածի 1-ին մասի հատկանիշներով (ապօրինաբար մեկ ուրիշին դիտավորությամբ կյանքից զրկելը) հարուցվել է քրեական գործ եւ կատարվում է նախաքննություն: Քրեական գործով նշանակվել են համապատասխան փորձաքննություններ:

Հարություն Յուրիկի Վարդանյանը օգոստոսի 18-ին ձերբակալվել է, իսկ արդեն օգոստոսի 21-ին նրան մեղադրանք է առաջադրվել ՀՀ քրեական օրենսգրքի 104 հոդվածի 1-ին մասով եւ նրա նկատմամբ որպես խափանման միջոց է ընտրվել կալանավորումը:

Քրեական գործի նախաքննությունը շարունակվում է:

աղբյուր` News.am

Նոր ատոմակայանի արժեքի մասին

admin — Tue, 24 Aug 2010 22:06:29 +0000

Հայաստանում կառուցվելիք նոր ատոմակայանի շինարարությունը կարժենա ոչ թե 5, այլ մոտ 4 մլրդ դոլար։ Այս մասին օգոստոսի 24-ին լրագրողների հետ ճեպազրույցում հայտարարեց Էներգետիկայի եւ բնական պաշարների փոխնախարար Արեգ Գալստյանը:

Նշենք, որ մի քանի օր առաջ «Ռոսատոմի» ղեկավար Սերգեյ Կիրիենկոն ասել էր, թե նոր ատոմակայանի արժեքը կազմում է 5 մլրդ դոլար: Արժեքների այս տարբերությունը էներգետիկայի փոխնախարարը բացատրեց նրանով, որ տեխնիկատնտեսական փաստաթղթերը դեռ լիովին պատրաստ չեն, ուստի փորձագիտական գնահատականներում հնարավոր են նման շեղումներ։

Ըստ Ա. Գալստյանի՝ վերջնականապես հաստատվել է, որ ատոմակայանի միջուկային ռեակտորը լինելու է ռուսական արտադրության, որում էլ հենց կայանում է Ռուսաստանի մասնակցությունը։ Փոխնախարարը, սակայն, դժվարացավ ասել, թե գումարային առումով, այդ մասնակցությունը որքան է կազմելու։

Ինչ վերաբերում է ատոմակայանի տուրբիններին ու ավտոմատիկային, ապա, փոխնախարարի տեղեկացմամբ՝ դրանք լինելու են եվրոպական կամ ամերիկյան արտադրության։ NEWS.am-ի այն հարցին, թե օտարերկրյա ինչ այլ ներդրողներ են մասնակցելու ատոմակայանի շինարարությանը՝ փոխնախարարը դժվարացավ պատասխանել, ասելով միայն, որ տարվում են բանակցություններ։ Փոխնախարարը նաեւ չկարողացավ հստակ նշել, թե երբ է սկսվելու ատոմակայանի շինարարությունը։ «Հույս ունեմ, որ դա կլինի 2011-ին»,- ասաց Ա. Գալստյանը։

Պարզ չէ նաեւ, թե որքան է կազմելու ատոմակայանի արտադրած էլեկտրաէներգիայի ինքնարժեքը։ Հայտնի է, օրինակ, որ ռուսական տեխնոլոգիաներով Թուրքիայում կառուցվող ատոմակայանը էլեկտրաէներգիան կվաճառի 12 ցենտով (մոտ 44 դրամ)։ Հաշվի առնելով այն հանգամանքը, որ Հայաստանը նախատեսում է 20 տարում փոխհատուցել ատոմակայանի ներդրումային արժեքը, ամենայն հավանականությամբ, էլեկտրաէներգիայի վաճառքի գինը կլինի բավականին բարձր։

աղբյուր` News.am

Չինաստան – ուղեւորատար ինքնաթիռը վթարի է ենթարկվել

admin — Tue, 24 Aug 2010 22:03:29 +0000

Չինաստանի հյուսիս-արեւելքում վթարի է ենթարկվել ուղեւորատար ինքնաթիռը: Ինչպես հաղորդում է «Սինհուա» գործակալությունը, ինքնաթիռը վայր ընկել Հեյլունցզյան նահանգի Իչուն քաղաքի մոտ:

Վթարի վայր են շտապում փրկարարները: Տեղի ունեցածի այլ մանրամասներ չեն հաղորդվում:

աղբյուր` Urartu.info

Տուրիզմի խնդիրը Հայաստանում

admin — Tue, 24 Aug 2010 22:00:41 +0000

Դեռ 3-4 տարի առաջ հազիվ թե մտքներովս անցներ, որ ազգովի կգնանք հանգստանալու Վրաստանի ծովափնյա շրջաններ կամ էլ Անթալիա և Արևմտյան Հայաստան, այդ կերպ հարստացնելով մեր հարևաններին և մասնավորապես` հայերին կոտորած թուրքերի և քրդերի սերունդներին, որոնք մեր պապերի հողը և ջուրը մեկ երկու շաբաթով մեզ վաճառելով գումար են վաստակում:

Սակայն արդյո՞ք իրավունք ունենք մեղադրելու այն հայ ընտանիքներին, որոնք մի քանի հարյուր դոլլարով ցանկանում են լիարժեք հանգստալ և Հայաստանում, դա չկարողանալով անել, մենկնում են Վրաստան և այլ երկրներ և իրոք որ շատ լավ հանգստանալով վերադառնում են Հայաստան: Եվ ո՞վ է դրանից շահում, հայ գործարարը, թե՞ պետությունը: Եվ ո՞վ է մեղավոր…:

Տուրիզմին վերաբերվող հարցերի շուրջ էլ այսոր ասուլիս էր հրավիրվել որի մասին էլ կարդացեք ստորև:

2009 թվականի հուվար-հունիս ամիսներին Հայաստան ժամանած 207 հազար զբոսաշրջիկի փոխարեն 2010-ին նրանց թիվը հասել է 230-ի: Այսինքն 23 հազարով ավելացել է: Զբոսաշրջության խնդիրներին նվիրված ասուլիսում եւ Հայաստանի ներգնա տուրօպերատորների միության նախագահ, Տուրիզմի ինստիտուտի ռեկտոր Ռոբերտ Մինասյանը եւ Ազգային մրցունակության հիմնադրամի գործադիր տնօրեն Բեկոր Փափազյանը նշեցին, որ թեեւ Հայաստան այցելող զբոսաշրջիկների քանակի աճ կա, բայց դա անբավարար է, եւ կապված է մատուցվող ծառայությունների քանակի ու որակի հետ:

«Քանի որ մեզ մոտ ծառայությունները չեն մատուցվում այնպես, ինչպես հարկն է, չկան մարդիկ, որոնք խելացի լինեն, կրթված լինեն, մասնագետներ լինեն: Այս դեպքում գնագոյացումը այլ կերպ կլինի: Պետք չէ քնելու համար այդքան թանկ վերցնել, այլ պետք է ծառայությունների քանակությունը ավելացնել, նոր ծառայություններ բերել, եւ մարդիկ պատրաստ կլինեն այդ ծառայությունների համար վճարել», – ասաց Մինասյանը:

Բեկոր Փափազյանը նույն խնդրին անդրադառնալով ասաց. «Հայաստանում բարձր գների հիմնական պատճառներից մեկը պահանջարկի պակասն է: Այսինքն, եթե արտասահմանցի վճարունակ զբոսաշրջիկների քանակը Հայաստանում կտրուկ աճի, այդ պարագայում ե’ւ հյուրանոցների թիվը կավելանա, ե’ւ մրցակցությունը ավելի բուռն կլինի, ե’ւ արդեն բիզնեսմեն հյուրանոցատերը կարող է իրեն թույլ տալ գնալ ավելի էժան քաղաքականության եւ աշխատել, ասենք, խոշոր քանակի, մասշտաբի վրա»:

Համեմատություն անցկացնելով Վրաստանի ու Հայաստանի միջեւ նա ասաց. «Իրենց մոտ շատ մեծ ծավալ կա տուրիստների, հետեւաբար կարողանում են մրցունակ գներ առաջարկել: Այդ մրցունակ գները նաեւ Հայաստանի քաղաքացու համար մատչելի են, եւ ունեն մեծ թվով հայաստանցի տուրիստներ: Իսկ մենք Հայաստանում ուզում ենք միայն տեղական տուրիզմի վրա կառուցել այդ շուկան, եւ դա բավարար չէ: Այսինքն, բավարար չէ, որ միայն հայաստանցի, ներքին տուրիստների համար էժան պայմաններ սարքենք, որպեսզի այդ ինդուստրիան աշխատի: Պետք է անպայմանորեն հիմնվել ներգնա տուրիզմի վրա Եվրոպայից` Գերմանիայից, Անգլիայից, Ֆրանսիայից եւ այլն, որի արդյունքում գները կէժանանան ու նաեւ քաղաքացու համար մատչելի կլինեն»:

Ռոբերտ Մինասյանն անդադարձավ նաեւ գովազդի խնդրին, նշելով, որ Հայաստանում տուրիստական բիզնեսը կաղում է գովազդի ոլորտում։ «Տուրիզմը գումար է վաստակում։ Այսօր, ես պաշտոնապես ասում եմ, անհրաժեշտ է տուրիզմը լրիվ բերել հարկային դաշտ՝ հյուրանոց կլինի, ներքին տուրիզմ կլինի, որ մենք կարողանանք պետության հետ խոսել, պետությունն էլ մեզ հետ հաշվի նստի։ Այսօր մենք չենք կարողանում ասել՝ 50 մլն դոլար բյուջե ենք բերել, հարգելի՛ պետություն, 10 մլն-ը տուր՝ գովազդ անենք»,-նշեց Ռ. Մինասյանը։

աղբյուր`Urartu.info